)•·.· عقوق الوالدين )•·.·

03-10-2005, 08:12 AM

الشاعر جحيش بن مهاوش قال قصيدته المرثية في عياله حي عزوجل دعوته
ولم ينجبوا اولاداً وقيل انهم تزوجوا مرة ومرتين وثلاث من أجل ان يرزقهم الله
ولكن امر الله قد نفذ وانقطعت من ذلك الزمان ديارهم...(ولم ينجبوا اولاداً).

والقصة ومافيها انهم تنكروا لوالدهم حيث توفيت امهم وهم صغار وقام بتربيتهم
حتى كبروا وكان لهم بمثابة الام والاب يسهر الليالي على رعايتهم وراحتهم
وفي النهار يذهب لجلب طعامهم....

وعندما كبروا تنكروا له وأصبح لايريده احد منهم مراعاة لخاظر زوجاتهم
اللاتي تأففن من خدمته وصار كل واحد منهم يطرده من بيته فما كان من الوالد
الا ان سكن إحدى (الخربات) حتى صار لايقوى على النهوض أو السير وضعف
بصره فذهب زاحفا يتوسل ويترجى ابناءه بأن يمكث عندهم حتى يقضي الله أمره فلم يستجب له احد منهم.

فقال فيهم الابيات التالية:

قال الذي يقرا بليا مكاتيب..........ياللي تقرون العمى من عماكم

ياعيالي اللي تشرفون المراقيب..........تريضوا لي واقصروا في خطاكم

خذوا كلام الصدق مابه تكاذيب..........مثل السند مضمون للي وراكم

ياعيال لاصرتوا ضيوف ومعازيب..........ترى الكلام الزين ملحة قراكم

وتروا السبابة من كبار العذاريب..........وهرج البلايس مايطول لحاكم

المذهب الطيّب فهو مذهب الطيب..........والمذهب الخايب يبور نساكم

ياعيال ماسرحتكم باللواهيب..........ياعيال ماعمر المعزب ولاكم

ياعيال ماضربتكم بالمشاعيب..........ولاسمعوا الجيران لجة بكاكم

ياما توليت القبايل تقل ذيب..........من خوف لاينقص عليكم عشاكم

وياما شربت السمن من عرض ماجيب..........يفز قلبي يوم يبكي حداكم

أحفيت رجليني بحامي اللواهيب..........وخليت لحم الريم يخالط عشاكم

ياعيال دوكم لحيتي كلها شيب.......... هذا زمان قعودنا في ذراكم

قمت اتوكا فوق عوج المصاليب..........قصرت خطانا يوم طالت خطاكم

عطوني القرضة عليكم مطاليب..........عطوني القرضة جزى من جزاكم

لابد يوم عاوي دوني الذيب..........بالقبر ماافرق طيبكم من رداكم

ماني بفاضحكم بوسط الاجانيب..........باعمالكم يدرون كل اقرباكم

لو كان تدرون الردى والمعاييب..........صرتوا مع المخلوق مثل خوياكم

خوالكم بالطيب تروي المغاليب..........ولو تتبعون الجد محدن شناكم

وش علمكم ياتاركين المواجيب..........حسبي عليكم هالردى وين جاكم

قصيتكم واسندت وادي سلاحيب..........ولقيت بالصبخا مدافيق ماكم

ياعيال بعتوني (بصفر العراقيب)*..........ماهي حقيقة سود الله قراكم

يالله عسى اعماركم شمسها تغيب..........يعتم قمركم ثم تظلم سماكم

ياعلكم في حاميات اللواهيب..........ياللي على الوالد خبيث لغاكم

شفت الجفا والحيف والغلب والريب..........بضلوعكم لابيض الله قراكم

عسى نساكم ماتحمل ولاتجيب..........ولاحدن من البزران يمشي وراكم

اخسوا خسيتوا ياكبار اللغابيب..........اهبوا هبيتوا يقطع الله نماكم

واخيرا نتذكر قول الله عزوجل في كتابة الكريم((وقضى ربك الا تعبدوا الا اياه وبالوالدين احسانا))

×××××××××××××××××××

الاميرة

03-10-2005, 12:32 PM

السلام عليكم

تسلمي على الموضوع
وجزاكي الله خير

والى الامام

03-13-2005, 01:33 AM

لا اله الا الله

واعوذ بالله من هكذا اولاد

اللهم اجعلنا مرضيين منك ومن والدينا

ومشكورة حضرة الاميرة

03-13-2005, 05:58 AM

هدى الايام

الله يسلمك والله يجزيك كل خير

03-13-2005, 05:59 AM

فياض

الله يسمع منك يارب

اجمل تحية معطرة

03-13-2005, 10:10 AM

اعـوذ باللـه من كذا اولاد
والله لايبـلانا ان شاء الله
ونكـون مرضيين لولدينـا
ومرضييـن ربنــــــــــــا

ومشكورة اختى العزيزة ورد
على طرح الموضوع المهـم وماقصرتي

مع التحيـــــــــــــــــــة
دريـــــــــــــــــــــــم