حب المزاج اللي له أوقات مابيه..

06-23-2010, 09:56 PM

حب المزاج اللي له أوقات مابيه ..

يقطع مزاجٍ ما يصون المحبه ...

إن كان ما للحب عقلٍ يرويه ..

حب الجهالة كل واحد لعبّه ...

إليا بديت الحب لازم توديه ..

بر الأمان اللي فؤادك يحبه ...

الحب مثل الورد لازم تنميه ..

وإن كان صار إهمال نفسك تكبّه ...

الحب هو كل المشاعر تسويه ..

وحبٍ بليا شعور خله وسبّه ...

إن كان حبك مثل الأيام خليه ..

ياكثر دورات الزمان ومطبّه ...

الحب وسط القلب بالدم يسقيه ..

حتى العروق تضخ دم يربّه ...

الحب مثل البحر ما أحلى شواطيه ..

لا جاء العليل اللي تمنى مهبّه ...

يالله ذبحت الحب وشلون تحييه ..

نهر المحبة قلّ نبعه وصبّه ...

نهر المحبة يابساتٍ سواقيه ..

ما عاد أشوف النبع ضيعت دربه ...

ياللي قتلت الحب لا عاد تطريه ..

أخذت من قشره وخليت لبّه ...

خليتني مثل المضيع مباديه ..

وشربت كاس المر وأقول عذبه ...

لا عاد تطري لي محبتك يا هيه ..

تقول أحبك وأنت نارك تشبّه ...

كسرتني كسرٍ وصعبٍ تداويه ..

وكسر المحبة كسر ما فاد طبّه ...

أصبحت مثل الذيب والكل يرميه ..

ممشاه ليل وكل جرفٍ يذبّه ...

خلاص أبشوي الصقر والله لأشويه ..

وأرمي الحنان اللي بقلبي مدبّه ...

لو كنت أعرف الصقر ماني بغاويه ..

خل الحبارى بالأمن مستتبّه ...

م/ن

06-24-2010, 01:16 AM

مشكــــــــــور اخوي شعر رائع وانت الاروع
لاهنت

06-28-2010, 10:25 AM

الشكر لتواجدك الرائع
موودتي