تعالوا يااعضاء حزب التماسيح اضحكوا على البنات اذا رجعوا من زواج هم مدعويين عليه ,,,يعني الزواج ماهو لهم ؟,,

الأولى : ايش فيك تأخرتي؟
الثانيه : ساعه قاعده ادور على عباتي 00انتي ما شفتي الحريم
يتضاربون عند العبايات 00العبايات تلخبطت
الثالثه : يا ليتنا ما رحنا زواجهم
أبوهم : ليش؟
الثالثه : زحمه والبزران يتضاربون بقشر البرتقال ويلعبون
بالمويه
الأولى : ما شفتي ذيك اللي كبت القهوه على الحرمه اللي
كانت نايمه؟
الثالثه : لا والله ما شفتها 00انا ما شفت ولا شي في
الزواج 00طول الوقت قاعده ادور على جزمة بنتي مها
الثانيه : ايش رايكم في الفستان اللي لابسته خلود؟
الأولى : مو حلو 00محنقط عليها والسحاب باين
الأولى: انا اعجبني مكياج أمل 00تقول ان زوجة خالها جابته
لها هدية من باريس
الثالثه : هههههه من باريس 00تضحك عليك يا هبلا 00تلقينه من
محلات ابو عشره

وقــــــــــفه

***************

الغريب والعجيب انهم واثناء حديثهم في السياره يقولون
لبعضهم 00خلاص يا بنات بس 000ترى ما يجوز نتكلم على الناس0

تكــــــــــــــــــــــــمله

الثانيه : صح والله كلامك يا اختي 000ما يجوزنتكلم عليهم 00بس
شفتي الحرمه اللي كانت قاعده جنبي على العشاء وتقطع لي لحم؟
الأولى : ايوه شفتها 00هههههههه متوصيه فيك 00شكلها بتخطبك
لولدها

الثانيه : وجع في شكلها هي وولدها 00قاعده تقطع لي من اللحم
الكبار اللي ما ينوكل
وهي طايحه في اللحم الزين0
العشاء
أبوهم : كيف كان العشاء
الثالثه : دسم وكله شحم
الأولى : بارد
الثانيه :اللحم كبار
الثانيه : وفيه حريم ما تعشوا 00قاعدين على الكراسي اللي
في الكوشه 00شايفين نفسهم
الأولى : حتى ام العروسه 00ما تعشت مسكينه 00طول الوقت
قاعده تبكي
الثالثه : هههههههههه تبكي من الفرحه يا هبلا 00ما شفتي
صدرها منتفخ من الفلوس
بس 00خلاص 00ما يجوز 00
صح والله 000ما يجوز 000بس شفتي 000وشفتي 00وشفتي
واخيرا وصلنا المنزل
أبوهم : 00شوفوا لي حبتين باندول اكسترا (راح فيها الشايب)