مساكم الله بالخير جميعا,,,,

واعتقد ان الشعر مايحتاج مقدمات واحب ان اهدي اليكم هذه المشــــــــــــــاركه,,,,,,,

ياظلام الليل وحروف القلم واسرار الخزينه
من تعنا ببيـوت الشعـر يعشقهـا كثيـر
ويامسافر وانت رايح في متاهـات المدينـه
وانت تدري إن بعدك عن عيوني شي خطير
بين حزن وبين ونه وبين دمـوعٍ سجينـه
وبين عطر بين صوره وبين مجموعة عبير
انتظرتك كـل ليلـه تلفـي بحلـمٍ تجينـه
قلت يمكن حلم يصدق يمكن إنه قد يصيـر
انكساري من فراقك وكـل شـي تذكرينـه
ماكنك عايش بدوله وعيوني يمـك سفيـر
اعشقك والحب بلوى ومااظنـك تجهلينـه
يمكن إنك قد سمعتي معنى الحـب الكبيـر
لو رحلتي عن عيوني لاي دربٍ تسلكينـه
صدقيني لاتظني عن عيونـي لـك مطيـر
احفظيني مثل عقدٍ فـوق جيـدك تلبسينـه
ونظري لي عين خاشع ينظر مثواه الاخيـر
ارتحل عني وسافر وانتطا ظهـر السفينـه
واذكر إني قبل اشوفه قال لي بوقتٍ قصيـر
لا تاحـاول تفتكرنـي إلا ببيـوتٍ ثمينـه
ماتقال بغير حاكم… او تحت جلالـة اميـر
قلت ... ابشر مابدالك والعهد بيني وبينـه
لين جا مرسول منه قبله جانـي كـم نذيـر
لاتحرى ولاتمنى وخـل كـل شـي بحينـه
لين جتني بنت ابوها تعلن نهايـة مصيـر
ماتناسب مجتمعنـا والاهـل ذا يرفضونـه
فرق شاسع بين طالب وبين بنتٍ من وزير
يوم ناظر.. مع سكونه.. راح وحرك جبينه
وماحصلي غير دمعه من عيونه لي نصيـر
التفت وقلت طيب.. دام هـذا الـي تبينـه
يصير خير يا……. يصير خير يصير خير
وطالبك لامن رحلتي ..ارحلي لاتوادعينـه
وكتبيـه بذكرياتـك زارع الـورد الفقيـر